12 ka barangay sa ciudad sang Kabankalan ang naapektuhan sang Hangin Habagat nga ginpabaskog pa sang mga bagyo santo sa datos sang Kabankalan City Disaster Risk Reduction Management Office (CDRRMO).
Ini ang ginabug-usan sang 428 ka pamilya ukon 1,745 ka mga indibidwal.
Ang mga apektado nga mga barangay ang ginalakipan sang Brgy Binicuil nga may 53 ka pamilya; Brgy Magballo may 58; Brgy Linao nga may 20; Brgy 6 nga may 161; Brgy 3 nga may 14; Brgy Daan Banua nga may 31; Brgy Talubangi nga may 25; Brgy 7 nga may duha; Brgy Camugao nga may 22 ; Brgy 1 nga may 32; Brgy 9 nga may 13 kag Brgy 8 nga may tatlo ka pamilya.
Samtang pila sa mga ini ang nagapabilin sa 15 ka evacuation centers.
Nagapadayon sa karun ang monitoring sang otoridad sa sitwasyon kasubong man ang paghatag sang bulig.
Samtang sa ciudad sang Sipalay, As of 10:00 PM September 17, 2024, may yara 1,159 ka pamilya ukon 4,075 ka indibidwal ang apektado sang enhanced southwest monsoon nga nagapabilin sa nagkalain-lain nga evacuation centers santo sa report sang Sipalay City Social Welfare and Development.
Sa banwa sang Cauayan, nagdangat na sa 330 ka mga pamilya ang yara karon sa evacuation centers.
Ini santo sa report sang Cauayan Department of Social Weflare and Development as of 4:31PM kahapon, Setyembre 17, 2024.
Santo sa record, 226 ka pamilya ang nagikan sa Barangay Inayawan, 8 ka pamilya sa Baclao, pito ka pamilya sa Barangay Elijan kag Linaon, pito naman ka pamilya sa Caliling, 60 ka pamilya sa Guiljungan kag 12 ka pamilya sa Barangay Tiling.
Nagapadayon sa karun ang monitoring sang otoridad sa sitwasyon kag ginaabisuhan ang tanan nga mag-aligmat kag bantayan ang lakat sang panahon.
