Pila ka barangay sa Bacolod, nadulaan sang supply sang tubig matapos magshut off ang Bacolod Bulk Water Inc.

Temporaryo nga nagshut off ang Bacolod Bulk Water Inc. kahapon bangud sa replacement sang in-take pump nga may mas mataas nga kapasidad.

Sa interview sang Bombo Radyo kay Jief Puntal, public relations officer sang Prime Water Inc., may yara sang emergency water interruption alas 10:30 kahapon sang aga kag magaresume ini kuntani ala 1:30 pagkahapon.

Apang wala ini natigayon bangud isa lang ang nagaandar sang duha ka mga injection points sa Granada gani temporaryo nga ginshut off ang Bacolod Bulk Water Inc.

Nagaapelar naman si Puntal sa mga pumuluyo sang apekto nga lugar sang pasensya kag pag-intindi.

Sa karun, suno sa iya, nagahulat pa sila sang dugang nga updates.