Walo ka ciudad kag walo ka banwa sa probinsya sang Negros Occidental ang nag-upgrade sang status santo sa ila income classification.
Santo sa Department order -74-2024 sang Department of Finance ang pagsaka sang status sang mga probinsya, ciudad kag banwa ang nakabase sa income classification.
Sa mga banwa sa probinsya sang Negros Occidental, nagsaka ang banwa sang Ilog, Isabela, kag Manapla nagsaka gikan a 2nd class Municipality nga nangin 1st class Municipality; ang banwa sang Moises Padilla kag Toboso ang nagsaka gikan sa 3rd class Municipality nga nangin 2nd class Municipality; ang banwa sang Salvador Benedicto ang anay 4th class Municipality nga nangin 3rd class Municipality; ang banwa sang Pontevedra nga 3rd class ang nangin 1st class Municipality na; ang Valladolid nga 4th class ang sa karun 2nd class Municipality na; samtang nagapabilin naman nga 4th class Municipality ang San Enrique, 3rd class ang Pulupandan, kag La Castellana kag Murcia nga 1st class Municipality.
Sa mga ciudad naman sa probinsya, ang ciudad sang Bago, San Carlos kag Cadiz ang anay 2nd class City nga nangin 1st class City na; ciudad sang Himamaylan kag Sagay ang nagsaka gikan sa 3rd class nga nangin 2nd class City; ang ciudad sang Escalante, Sipalay, kag Talisay nga anay 4th class City ang sa karun 3rd class City na; nagapabilin naman nga 4th class City ang Victorias kag La Carlota, 3rd class City ang Silay; kag 1st class City ang Kabankalan kag Bacolod.
Samtang ang probinsya sang Negros Occidental ang nagapabilin man nga 1st class Province.
