Pila ka mga embahada sa Manila ang nagpabutyag sang concern natuhoy sa nagliligad nga mga agresibo nga tikang sang China sang Miyerkules matapos nga ginbungguan kag ginhabuyan sang water cannon sa vicinity sang Bajo de Masinloc (Scarborough Shoal) sa West Philippine Sea.
Suno kay United States Ambassador to the Philippines MaryKay Carlson, ang indi nagakaigo sa layi nga paggamit sang People’s Republic of China sang water cannons kag delikado nga mga tikang ang nagpauntat sa isa ka Philippine maritime operation sang Disyembre 4, kag nagbutang sa risgo sang mga kabuhi.
Suno diri, ginakondenar sang Amerika ang kaangay nga mga tikang kag nagpasalig nga nagatindog ini kaupod ang mga kaalyado sini sa Indo-Pacific region.
Ang Manila kag Washington ang nahigot sa 1951 Mutual Defense Treaty (MDT), nga sarang nga ma-invoke in kaso nga may armado nga pagpang-atake sa pwersa sang Pilipinas, isa sa mga pinakamalapit nga kaalyado sini sa Southeast Asia ang nagapabilin nga “ironclad.”
