Nagreklamo ang pila ka empleyado sang Barangay Blumentritt, banwa sang Murcia, matapos nga wala sang may nabaton nga 13th month pay.
Sa interview sang Bombo Radyo kay alyas Toto, empelyado sang barangay, mandatory ang paghatag sang 13th month pay apang sila nga mga empleyado wala sang may nabaton.
Suno diri, ila na ginsturya si Punong Barangay Alan Martinez kag sila ang ginhambalan nga wala sang kwarta ang brgy kag nagapangita pa ini sang kwarta.
Pahayag ni alyas Toto, wala naman sila sang iban pa nga ginapangayo apang kun ano tani ang para sa ila, ang ihatag lang sa ila.
Samtang, nagpasalig naman si Punong Barangay Alan Martinez nga may yara gid sang 13th month pay nga mahatag sa mga empleyado.
Suno sa Punong Barangay, may meeting sila sa karun kaupod ang council agud ma-esturyahan ang sweldo sang mga empleyado.
Suno diri, may yara gid sang 13th month pay nga ihatag bangod imposible naman nga wala.
Dugang pa sini, ginaplastar pa kun diin pa gid makakuha sang dugang nga pamaskwa para sa mga empleyado bangod sa kapigaduhon sa karun.
