Nagsaka ang pamasahe sa fastcraft nga nagalayag Bacolod-Iloilo vice versa bangud sa padayon nga pagsaka sang presyo sang produktong petrolyo.
Nahibaluan nga krudo ang gatong sang fastcraft.
Sa masunod nga semana, ginalauman naman ang bigtime oil price hike, santo sa abiso sang mga oil companies.
Sa una nga apat ka adlaw sang trading, yara sa P4.50 ang ginalauman nga pagsaka sa presyo sang diesel samtang P3.39 naman sa gasolina kag P3.39 sa kerosene.
Bangud sa serye sang oil price hike, nagadangat na sa masobra P11 ang ginmahal sang diesel, halos P10 naman sa gasolina kag masobra P10 sa kerosene.
Sa interview sang Bombo Radyo sa operator sang Weesam Express nga si Frank Carbon, nagsaka sang P25 ang pamasahe sa fastcraft halin sang tinalikdan nga semana.
Ini agud nga macover ang gasto sa saka sa presyo sang gatong.
Aminado si Carbon nga amat-amat na nga nagdamo ang numero sang mga pasahero bangud sa paghalog sang COVID restrictions.
Ginkalipay naman ni Carbon nga nagbukas na ang ekonomiya kag amat-amat na balik ang mga negosyo gani nagacirculate na ang kwarta.
