Ginpangunahan sang acting Provincial Fire Director sang Bureau of Fire Protection (BFP) Negros Occidental ang turn-over of command (Relinquishment of Post and Assumption of Duty) sa mga incoming kag outgoing city fire marshalls sa mga ciudad sang Victorias, San Carlos, Silay, Talisay, kag Sagay santo sa Regional Order Number DSG-2022-05-07 nga ginpermahan ni Fire Chief Superintendent Jerry Candida nga napetsahan Mayo 11, 2022.
Suno kay Fire Superintendent Kim Celisio, ang fire marshall sang BFP-Victorias nga si chief inspector Jenny Mae Masip ang mangin caretaker sang BFP sa Capiz samtang si chief inspector Vencie Jojo Aldeguer, nga fire marshall sang San Carlos City ang mangin caretaker naman sa Iloilo.
Ang magabulos kay Aldeguer bilang fire marshall sang San Carlos City amu si fire chief inspector Rufino Tanedo samtang pagatal-usan naman ni fire inspector Rodney Nadl si Maisp sa Victorias City.
Magapungko man bilang fire marshall sang Silay City si Senior Inspector Jovelyn Zamar samtang si Senior Inspector Maricel Cordero ang mangin bag-o nga firemarshall sang Talisay City.
Si Senior Fire Officer Divino naman ang mangin caretaker sang Sagay City Fire Station.
Nagpanugyan man si Celisio sa mga pumuluyo nga mangin vigilante agud malikawan ang mga insidente sang sunog.
