Ginakabig sang spokesperson sang Akbayan Negros nga kadalag-an ang ginpatigayon nila nga rally protesta sa pagobserbar sang 124th International Labors Day kahapon, Mayo 1.
Sa interview sang Bombo Radyo Bacolod kay Noli Rosales, ang ginpatigayon nila nga rally protesta ang gin-updan sang Bagong Alyansang Makabayan, Kilusang Mayo Uno, Partido Manggagawa kag Buklurang Manggagawang Pilipino.
Suno kay Rosales, apat ka grupo ang nag-upod sa ila agud nga magpanawagan nga pasakaan ang sweldo sa P1,200 kag respetuhon ang mga organizers nga nagahimakas kag hugpungon ang mga mamumugon sa ulubrahan kag mga hacienda.
Nagdangat naman sa masobra sa 1,200 ang nagpakigbahin sa rally protesta.
Ini ang isa man ka dako nga venue kag nagpanawagan nga pamatian man ni President Ferdinand Marcos Jr nga pamatian man ang madugay na nga ginapanawagan sang mga mamumugon nga pasakaan ang sweldo.
Ini nga problema ang indi lang sa Negros bangud ini ang problema sa bug-os nga pungsod.
