Magafile sang administrative case kag grave misconduct ang pila ka mga grupo sang drivers kag operators sa pagpanguna sang Bacolod Alliance of Commuters, Operators and Drivers (BACOD) batok kay Councilor Al Victor Espino matapos ang ila ginpatigayon nga untat-byahe kag protesta malapit sa Bacolod Government Center sang Mayo 8.
Sa interview sang Bombo Radyo kay Lilian Sembrano, secretary-general sang BACOD, nagdesisyon ang grupo nga pasakaan sang kaso si Espino bangud sa iya pagsinggit kag pagbastos sa mga drivers kag operators nga nagaprotesta.
Suno sa iya, wala man lamang sila gin-imbitar pasulod sang lobby sang BGC kag ginsinggitan lamang ang mga ini sang konsehal.
Suno kay Sembrano, indi ini manami nga modelo bilang isa ka public official.
Suno diri, sa masunod nga semana, sila ang makigkita pa sa ila abogado agud i-finalize ang ila igapasaka nga kaso apang posible nga ini ang grave misconduct ukon administrative case.
Nagapati ini nga indi ini insakto nga conduct sang isa ka public official gani ila igaduso ang kaso batok kay Espino.
