Nangin maragtason ang 2026 Midterm Elections sa Estados Unidos matapos ma-record ang mga importante nga milestone sang pila ka mga kandidato para sa Senado, kalakip ang mga ginapaabot nga mangin labing-una nga Muslim, Indigenous woman, kag openly gay male nga senador sa maragtas sang pungsod.
Kalakip sa mga kandidato nga naghimo sang history amo si Abdul El-Sayed sang Michigan, nga nangin labing-una nga Muslim nga magaserbe sa Senado sang Estados Unidos.
Si El-Sayed isa ka anay opisyal sa public health kag nagpadalagan sa idalom sang Democratic Party.
Samtang, nagdaug man si Minnesota Lieutenant Governor Peggy Flanagan, nga mangin una nga Native American woman nga makapungko sa senado.
Siya ang nangin miyembro sang White Earth Nation kag nangin kabahin sang progresibo nga paksyon sang Democratic Party.
Sa New Hampshire naman, ginalauman nga labing-una nga openly gay male senator si Congressman Chris Pappas matapos ang iya nga kadalag-an sa senatorial race.
Isa man sa mga ginabantayan nga maragtason nga resulta ang kadalag-an ni Annie Andrews sa South Carolina, siya ang mangin labing-una nga babayi nga na-elehir bilang senador gikan sa nasambit nga estado.
