Pila ka miyembro sang gabinete ni anay Presidente Rodrigo Duterte ang magatambong sa confirmation of charges hearing sa International Criminal Court (ICC) nga magasugod subong nga adlaw, Perero 23.
Suno sa pamilya Duterte, kaupod diri sanday anay executive secretary Salvador Medialdea, anay presidential chief legal counsel Salvador Panelo, kag anay labor secretary Silvestre Bello III.
Upod man sanday anay Secretary sang Land Transportation Franchising and Regulatory Board (LTFRB) nga si Martin Delgra; anay Secretary sang Bureau of Internal Revenue (BIR) nga si Cesar Dulay; kag si Alfredo Lim, ang anay presidente sang Philippine Amusement and Gaming Corp.
Wala man sang kumpirmasyon ang pamilya Duterte kun magatambong man sila sa hearing.
Nahibaluan nga wala ginpahanugutan sang International Criminal Court (ICC) ang personal nga pagbisita sang pamilya ni Duterte samtang patigayunon ang amo nga hearing.
