May pila ka mga local government units sa Negros Island Region nga nakabatyag sang pagtay-og matapos magluntad ang 7.4 magnitude nga linog sa Davao Oriental.
Sa interview sang Bombo Radyo Bacolod kay Office of the Civil Defense – Negros Island Region Director Donato Sermeno III, may minor shake nga nareport sa pila ka bahin sang Southern Negros Occidental nga ginalakipan sang Himamaylan City, Sipalay City, kag Cauayan nga nakabatyag sang Intensity 1 nga pagtay-og.
Subong man sa Siquijor kag Dumaguete City sa Negros Oriental.
May mga estudyante man nga naggwa sa buluthuan sa Kabankalan City bangod sa nabatyagan nga pagtay-og.
Ginsuspender naman ang klase sa Bacolod City, Cadiz, San Carlos kag Talisay City sa Negros Occidental, kasubong man sa Guihulngan City, Negros Oriental.
Wala naman sang nareport nga structural damage sa NIR.
