Nagpabutyag na sang plano ang pila ka mga local government unit sa pagreplicate sa ginakabig nga model sanitary landfill sang ciudad sang Bacolod.
Sa interview kay Atty Allyn Luv Dignadice, officer in charge sang Bacolod Environment and Natural Resources Office (BENRO), ginpasalamatan sini si Environmental Management Bureau – Negros Island Region Director Vicente Losbañes sa effort sini nga ipakilala ang sanitary landfill sang ciudad bilang model sanitary landfill.
Bangod sini may-ara na sang mga LGUs nga nagabench marking kag nagpabutyag sang plano nga ireplicate ang landfill management.
Paathag sini nga may-ara sang collaborative effort ang nanarisari nga ahensya lakip na ang BENRO, City Engineers Office, Office of the Building Official kag iban pa, agud maseguro nga masunod ang mga environmental guidelines.
Sila ang may ara man sang records sa pamatuod sang dako nga pagbag-o sang sanitary landfill.
Paathag sini nga ang tinutuyo gid sang gin-imprubar nga landfill amo nga mapalawig ang lifespan sini, kag indi pwede nga nagapinagusto na lamang sa pag-ula sang basura.
Luwas diri, ginaduso man nila ang recycling kag waste diversion programs agud indi tanan kinahanglan nga ihaboy.
Panindugan ni Dignadice nga kinahanglan diri ang effort indi lamang sang mga LGUs, kasubong man sang tanan nga stakeholders.
