Pila ka mga lupok sang pusil ang nabatian sa sulod sang Senate of the Philippines kagab-i, Mayo 13, samtang nakapaidalom sa lockdown kag naka-heightened alert status ini may kaangtanan sa plano nga pag-aresto kay Senator Ronald “Bato” dela Rosa.
Naglawig sang masobra duha ka oras ang tensyon sa sulod sang Senado.
Nahibaluan nga pasado alas 7:00 sang gab-i, nag-anunsyar si acting Senate sergeant-at-arms kag retired Police Major General Mao Aplasca nga may yara sila sang paga-arestuhon apang wala ginsambit kun sin-o ang subject person.
Antes pa man matabo ang insidente, nagpaabiso na ang Office of the Senate Sergeant-at-Arms (OSAA) nga ginapahanugutan nga magwa sa building ang sin-o man nga luyag na nga magwa.
Kasunod sini, ginpapanaug ang mga roll-up doors samtang matalupangdan nga nagsuksok sang full battle gear kag bulletproof vests ang mga personnel sang Office of the Senate Sergeant-at-Arms.
Nag-abot man sa lugar ang mga uniformed personnel agud magbulig sa seguridad samtang nagapadayon ang tensyon sa Senado.
