Patay ang pila ka mga matag-as nga opisyal sang militar lakip na ang Armed Forces chief of staff nga si Abdolrahim Mousavi matapos ang pag-atake sang Estados Unidos kag Israel batok sa Iran.
Base sa listahan nga ginpaguwa sang Iran state TV, kalakip sa mga napatay sanday Defence Minister Aziz Nasirzadeh, Revolutionary Guards chief, Mohammad Pakpour, kag defense head nga si Ali Shamkhani.
Suno sa report, natabo ang mga pagpang-atake sa tion sang “defense council meeting” batuk sa pag-atake sang US kag Israel.
Samtang, sa separado nga airstrike, napatay man ang Police intelligence chief sang Iran nga si Gholamreza Rezaian.
Kasunod sini, naglunsyar ang Iran sang liwat nga isa ka missile kag drone attacks nga ginpuntirya ang military base sang US sa rehiyon kag sa Israel, kun sa diin isa ini ka tikang bilang pagbalos sa pag-atake sang duha ka pungsod nga ginpahayag nagpatay sa ila Supreme Leader nga si Ayatollah Ali Khamenei.
Lakip sa mga ginpuntirya amo ang 27 ka base sang US sa rehiyon, subong man ang military headquarters sang Israel kag isa ka defense industries complex sa Tel Aviv.
