Madamo na sang mga airports sa Asia ang naghugot sang ila nga health monitoring matapos ang outbreak sang Nipah virus sa West Bengal, India.
Ini matapos nga maka-record sa nasambit nga lugar sang lima ka health workers ang natapikan sang virus sang nakaligad nga semana kun sa diin yara sa kritikal ang kondisyon sang mga ini.
Samtang 110 naman ka mga tawo nga ila nakaupod ang sa karun ginpaidalom sa quarantine.
Ang nasambit nga virus ang mahimo nga naglaton halin sa hinuptan nga sapat padulong sa tawo nga may yara sang mataas nga death range nagikan sa 40 percent tubtob sa 75 percent kun sa diin wala sang bulong kag bakuna para diri.
Bangud sini, ginhugtan sang Thailand ang seguridad sang tatlo nila ka airports paagi sa pagpatigayon sang screenings ilabi na sa mga halin sa India.
Mangin sa Nepal ginhugtan man ang screenings sa mga nagaabot sa Kathmandu airport kag pila ka mga land border sang mga ini sa India.
