Nagpanumpa na ang pila ka mga bag-o nga miyembro sang national political party nga LAKAS CMD bilang preparasyon sang ila nga kandidatura para sa 2025 Midterm Elections.
Ang mga nagpanumpa ang ginalakipan sang Mayor, Vice Mayor kag masobra sa 45 ka mga City ukon Municipal Councilors
Pila sa mga nagpanumpa amo si Salvador Benedicto Municipal Mayor Jay-R Dela Cruz nga magapili bilang alkalde sang nasambit nga banwa kag Atty. Rowena Lizares, ang asawa ni Talisay City Mayor Niel Lizares nga magapapili nga alkalde sang nasambit nga ciudad.
Nagpanumpa man si Micah Escalante nga anak ni Manapla Mayor Manolet Escalante nga magapapili man nga alkalde sang banwa bulos sa iya amay.
Nagpamiyembro man sa LAKAS-CMD si Toboso Mayor Madonna Jaojoco nga liwat magapapili man bilang alkalde sang ciudad, Cadiz City Mayor Salvador “Bading” Escalante nga magapareelect man nga alkalde sang Cadiz City.
Nagpanumpa man si anay Silay City Mayor Mark Golez.
Madumduman nga nagpanumpa sadtong Agosto 26, 2024 sa Federal ng Pilipinas (PFP) si Golez.
Magabalik naman sa pagpapili bilang alkalde sang Silay City si Golez.
Ginhatagan naman si Abang Lingkod Party List Representative kag 3rd District Caretaker Congressman Joseph Stephen “Caraps” Paduano sang otoridad ni House Speaker Martin Romualdez nga ifacilitate ang mga miyembro sang partido sa Negross Occidental apisar nga indi pa ini lubos nga miyembro sang Lakas CMD.
Ginpahayag man sini nga ang tanan nga Certificate of Nomination and Acceptance (CONA) sang mga members ang pirmado sang executive committee sang LAKAS-CMD.
Ginpahayag man sini nga madamo sang bag-o nga nagpamiyembro ilabi na sa mga konsehal sa nasambit nga partido.
