Temporaryo nga ginhold ang implementasyon sang pagbaligya sang bugas sang National Food Authority sa mga local government units, samtang wala pa ang final guidelines.
Madumduman nga sa deklarasyon sang National Food Emergency for Rice, ang NFA ang sarang makabakal sang bugas sa mga local farmers, ini ang ihatag derekta sa mga banwa kag ciudad agud mabaligya sa mas barato nga presyo.
Sa interview sang Bombo Radyo Bacolod kay Benilda Fidel, branch manager sang National Food Authority – Negros Occidental, sang ginhimo ang pronouncement, sila ang nagkoordinar naman sa mga alkalde sa probinsya, kag may pila na nga nagpabutyag sang interes.
Suno diri, sila ang nakapadala na sang letter of invitation to participate sa 12 ka mga local government units, kag pila sa mga ini ang nagacommit na nga magapartisipar.
Apang may monthly allocations naman santo sa kontribusyon, nga basihan kun pila ang ihatag sa tagsa ka banwa ukon ciudad.
Suno diri, sa karun may masobra 30,000 ka sako sang humay sa ila mga warehouse kag padayun ang preparasyon agud ini ang maserbe sa mga LGUs.
Pasalig ni Fidel nga ini ang supisyente, apang bangod 50,000 bags ang allocations nila, magakuha pa ang mga ini sang stocks gikan sa Iloilo kag Capiz.
