Nangin madinalag-on ang una nga adlaw sang Palarong Pambansa 2025 para sa delegado sang Western Visayas Regional Athletics Association (WVRAA) matapos nga may nagdalaog na sa elimination round kahapon.
Sa interview sang Bombo Radyo kay Almyr Caesar Dequiña, Alternate Information Officer sang Schools Division Office of Negros Occidental, ang mga events nga nadag-an sang Western Visayas sa elimination round amo ang Table Tennis Elementary nga nagdaog batok sa CARAGA sa score nga 3-1; Basketball Secondary Level sa score nga 105-47 batok sa MRAA; Baseball Secondary Level sa score 15-0 batok sa Zamboanga Peninsula Regional Athletic Association ukon ZPRAA kag Softball Elementary Level sa score 10-0 batok sa BARMAA.
Suno kay Dequina nasiguro man nila ang ikaayong lawas sang mga atleta ilabi na nga tuman kainit ang paniempo sa Ilocos Norte.
May mga arrangements naman nga gindihon agud nga indi malate sa hampang ang mga athletes ilabi na kun malayo sa belitting area ang venue sang ila nga hampang.
May gintalana man nga curfew sa mga atleta.
Ginalantaw nga sa ikatatlo ukon ikaapat nga adlaw mahibaluan na kun pila ang medalya nga matipon sang Western Visayas.
