Ginpahayag sang director sang Office of Civil Defense – Negros Island Region nga siyam ka mga balay nga nahamtang sa kilid sang Ibid Creek, sa Sitio Tamburong, Barangay Biak-na-Bato, banwa sang La Castellana, Negros Occidental ang ila nga ginarekomendar nga i-relocate.
Suno kay OCD-NIR Director Donato Sermeno III, ginbisitahan sang mga ini ang lugar kag nakita nga nagapadayon ang pagpanghawan kag nagdalom naman ang naibabaw nga portion sang Ibid creek.
Suno kay Sermeno, ang iban nga mga volcanic materials ang nag-awas bangud may yara naman ini sang bag-o nga dalan nga gin-iligan gani madamo sang balay nga naapektuhan.
Pahayag sini nga nalakip sa ginrekomendar nga irelocate ang siyam ka mga balay sa kilid sang sapa, kag willing man ang mga nagaistar nga magsaylo.
Aminado ang OCD NIR Director nga wala naman sang mahimo ang mga nagapuyo sa mga balay nga ginarekomendar nga irelocate bangud sa ulihi ab-abon man sang tubig ang ginahamtangan sang ila puluy-an.
Sa karun nagapabilin pa ang mga residente nga nagapuyo sa ila balay, apang nagapatigayon lang sang preemptive evacuation sa tion nga magdako ang tubig sa sapa.
