Duha ka mga balay ang ginlockdown sa Barangay Mansilingan sa ciudad sang Bacolod matapos magpositibo ang tatlo ka mga residente sang barangay nga nagikan sa Pasay City.
Suno kay Punong Barangay Rodolfo “Boy” Pico, mag-asawa ang duha ka nagpositibo sa virus nga sanday Patient 45, isa ka 61 anyos nga cancer patient kag patient 49 nga 53-anyos.
Suno kay Pico, nagapaidalom sa strict home quarantine ang mag-asawa kag gin-seal off na ang ila balay.
Ginamonitor man sang opisyal ang mag-asawa aga kag hapon agud nga mahibaluan ang kondisyon kag ginapakadtuan sang Barangay Health Emergency Respone Teams (BHERTs) ukon tanod agud ma hatag ang mga panginahanglanun.
May diutay man nga ginbatyag nga ubo ang mag-asawa tuga saang alergy nga gilayon naman nga ginpadal-an sang bulong.
Ginapanugyan man sa mga pasyente nga gilayon nga ipabalo sa City Health Care kung may mabatyagan nga sintomas sang balatian.
Samtang si Patient 48 naman nga kasubong man nga nagpositibo ang nakaquarantine sa sa isa ka tree house sa tabok sang dalan sang orihinal nga puluy-an.
Apang sa pagbisita sang mga opisyal ang barangay, nahibaluan nga nagapauli gihapon sa puluy-an ang pasyente bangod didto ini nagapaligo.
Yara naman sa punta nga bahin sang barangay ang balay gani ginlikop nalang lockdown ang mga pamalay nga malapit sa balay sang pasyente.
