Nagsugod na ang pila ka mga hampang sa Palarong Pambansa 2026 sa Democrito O. Plaza (DOP) Memorial Sports Complex ukon Patin-ay Sports Complex, Prosperidad, Agusan del Sur kahapon, May 22.
Sa impormasyon nga nakuha ni Bombo Arjay Kim Casipe, gin-umpisahan na ang pila ka mga hampang nga malawig ang elimination rounds kaangay sang Football, Gymnastics, kag Basketball.
Naglunsyar man ang Agusan del Sur Provincial Government sang “Libreng Sakay” program paagi sa mga e-trike kag e-bus sa Patin-ay Capitol para sa mas mahapos nga transportasyon sa 36 ka playing venues.
Nahibaluan nga nagpadala sang Bombo Patrol Reporter ang Bombo Radyo Bacolod sa Agusan del Sur para sa coverage sang Palarong Pambansa 2026.
Si Bombo Arjay kim Casipe, ang nagaserbe nga Representative para sa mga Ilonggo stations sang Bombo Radyo sa Visayas.
Ang 66th Palarong Pambansa nga ginatawag man nga ” 2026 Palaro Tu Agsur” ang magasugod bwas Mayo 24 kag magatakop sa Mayo 31.
