Pila ka mga barangay sa banwa sang La Castellana ang wala maayo naapektohan sa nagluntad nga explosive eruption sa bulkan Kanlaon kaina sang aga.
Sa interview sang Bombo Radyo kay Johnny Leonardo, residente sang brgy Camandag, banwa sang La Castellana, nagapakaon ini sang iya karabaw sang nakita niya ang pagbuga sang madamol nga aso sang bulkan.
Suno diri, wala sang ashfall sa ila area kag wala man maayo baho sang asupre.
Suno pa diri, indi naman kinahanglan sa ila mag-evacuate bangod maayo man ang sitwasyon nila kag naanad naman sila sang nagakatabo.
Dugang pa nga indi man nila madali-dali bayaan ang ila mga pananom kag mga kasapatan.
Samtang, apektado naman ang Brgy Masulog sa banwa kun sa diin ang mga mangunguma nga nagasaka para manguma, ang ginpapanaog anay kag gindumilian nga magbalik.
