Sa meeting sang gobernador sa Negros Occidental, Commission on Elections, Philippine National Police kag Philippine Army para sa assessment sang palibot antes ang adlaw sang Eleksyon, ginpasalig na sang kapulisan nga amat-amat pa nga nagakadugangan ang numero sang mga drug cleared barangays sa probinsya.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, sa report sang Negros Occidental Police Provincial Office, padayun ang pagsaka sang mga Barangay nga ginadeklarar na nga drug cleared.
Ang mga nadrug clear na ang nakabatun man sang ila nga cash rewards kun sa diin P20 million na ang nadownload sa mga Barangay nga 100 porsyento na nga nakaliquidate sa 2021, magluwas lamang sa isa nga napilitan nga ibalik ang kwarta bangod sa nagkaproblema sa right of way.
Ang ginaproblema nalang sa karun amo ang mga nadrug clear sang 2022 nga nagadangat sa P4 million bangod wala pa natapos ang liquidation.
Suno sa gobernador, kun ang pondo para sa anti-drug campaign ang ginrelease sang 2022, dapat ini ang naliquidate na sa Desyembre 2023.
File photo
Paathag ni Lacson nga sa tion nga indi matapos ang liquidation sang isa ka Barangay, ang budget nga gindagdag para sa programa ang igabalik sa gobyerno.
Pahanumdom sini nga lain ang percentage sa physical completion sang proyekto ukon mismo operasyon sa pagpapas sang illegal activities sa Barangay sangsa liquidation.
Halimbawa sini nga kun 70 porsyento lamang ang matapos sa liquidation, ang 30 porsyento ang automatic nga igabalik sa National Government.
Ginakasubo sang gobernador nga sa karun madamo pa sang wala pa matapos gani ginakahangaw-an sini ang posibilidad nga mabalik ang budget.
