Ginpasidunggan sang Negros Occidental Police Provincial Office (NOCPPO) ang siyam ka municipal kag city police stations sa probinsya para most numbers nga naserbe nga warrant of arrests sa tion sang flag raising ceremony sa Camp Alfredo M. Montelibano Sr. sa Brgy. Estefania, Bacolod City, sang Lunes Pebrero 17.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office (NOCPPO), ginhatagan sang pamunuan sang NOCPPO ang mga police stations nga may pinakamadamo nga ginserbehan sang search warrant sa paglapas sa RA 10591 ukon ang mga loose firearms.
Suno kay Catalogo, ang mga top performing police stations sa Municipal Level amo ang Valladolid, Murcia, Isabela, Don Salvador Benedicto, kag Candoni samtang sa City Level ang ginlakipan sang Victorias, Sagay, La Carlota, kag Cadiz.
Samtang ginkilala man sang NOCPPO si Police Capt. Thurslie Castillo sang Provincial Intelligence unit matapos ginpangunahan ang pag-aresto kay Oliver Aliligay, ang most wanted person sa Western Visayas.
Suno diri, ang pagkilala sang mga hinimuan sang police units sa probinsya ang prayoridad sang provincial director Police Col. Rainerio De Chavez.
Ini man agud nga mapakita man nga ang mga kontribusyon sang mga kapulisan sa pagtuman sang mga mandato ang ginakilala man sang provincial director.
Suno diri kada flag ceremony ginahatag ang recognition sa mga chief of police kag gin-emphasize man nga indi mahimo sang mga hepe ang mga achievements kun indi man tungod sa mga police personnel sang nasambit nga mga police stations.
Ang pagkilala ang kabahin sang commendation nga ginahatag sang pamunuan sang NOCPPO sa mga kapulisan.
