Madamo naman sang mga celebrities sang Pilipinas ang nag-enjoy sa concert ni Olivia Rodrigo.
Pila sa mga nag-enjoy amo sanday Andrea Brillantes kag abyan sini nga si Bea Borres kag naglantaw man si Sharlene San Pedro.
Malipayon man nga ginpakigbahin ni Marian Rivera sa Instagram ang pag-enjoy sang iya nga anak nga si Zia Dantes sa concert sang Grammy winner.
Ang tanan nga proceeds sang ticket nga nabaligya sa P1,500 kada isa ang magakadto sa Fund 4 Good ni Rodrigo, isa ka global initiative nga nagabulig sa mga kababainhan paagi sa pagsuporta sa edukasyon, reproductive rights kag pagtapna sang gender-based violence.
Samtang libre nga nakaupod sang pila ka mga fans si Fil-Am singer Olivia Rodrigo matapos nila nga makita sa personal sa Intramuros sa Maynila.
Nakita si Olivia sa nagkalain-lain nga tourist spot sa Intramuros, kun sa diin kaupod niya ang ginpahayag romantic partner kag aktor nga si Louis Partridge.
Makita sa pila ka mga social media posts sang mga netizens nga gintestingan ni Rodrigo ang “bambike,” sa pagbisita sa Baluarte de San Diego kag Casa Manila.
Ang singer nagpadulong sa Pilipinas para sa iya nga “GUTS world tour,” nga ginpatigayon sa Philippine Arena sang Sabado, Oktubre 5.
