Nagpangabay ang pila ka mga grupo kag indibidwal sa Supreme Court (SC) nga piliton ang Commission on Elections (Comelec) kag automated election system provider nga Miru Systems nga ipakita sa publiko ang mga dokumento nga naangot sa 2025 midterm polls.
Ang petitioners ang miyembro sang Right to Know, Right Now Coalition (R2KRN), Center for Media Freedom and Responsibility (CMFR), Philippine Press Institute, journalists, kag academics.
Suno sa coalition, naghingyo ini sang impormasyon halin sa Comelec kag Miru kasunod sang withdrawal sang isa sa mga partners sang Miru.
Apang,ginsiling sini nga ang ila request ang parsyal lang nga ginhatag sang Comelec samtang madanlog naman ang Miru sa pagsabat.
Bangud sini, ginpangabay sang petitioners sa korte nga ideklarar nga grave abuse of discretion ang ginaalegar nga kapaslawan sang Comelec nga mag-akto sa ila request para sa impormasyon.
Ila man ginghingyo sa Supreme Court nga piliton ang Miru nga ipaggwa ang ginapangayo nga impormasyon.
Ginapakigbato sang mga ini ang kinamatarong sa impormasyon ang nagasakop man sang private entities kun sila ang mag-perform sang essential public functions.
