Ginpatigayon ang reshuffling sa mga hepe sa duha ka City Police Stations kag duha ka Municipal Police Stations sa probinsya sang Negros Occidental.
Sa interview sang Bombo Radyo kay Police Captain Wilma Silva, spokesperson sang Negros Occidental Police Provincial Office (NOCPPO), sunod-sunod ang ginpatigayon nga turn-over command ceremony sa apat ka station.
Sa Sagay City Police Station, ginbuslan ni Plt Col Alvimar Flores si outgoing chief of police Plt Col John Mocyat Jr.
Plt Col Flores ang naggikan sa 2nd Negros Occidental Provincial Mobile Force Company samtang si Plt Col Mocyat Jr. naman ang ginpadala sa headquarters sang NOCPPO.
Sa Sipalay City Police Station, ang bag-o nga hepe amo si Police Lt. Col. Reynante Jomocan bulos kay Police Lt. Col. Fernando Somblingo.
Sa banwa sang Ilog, pagabuslan ni Police Major Randy Babor si Police Major Joseph Partidas bilang hepe.
Si Police Major Babor ang naggikan sa Binalbagan Municipal Police Station kag siya ang ginbuslan ni Police Major Jun Ray Batadlan.
Suno kay Police Captain Wilma Silva, ang change of command ang bangod sa natapos na nga maximum tenure kag in relation sa ginapa-abot nga eleksyon.
