Nakumpiskar ang pila ka mga importante nga dokumento sa encounter site kun nagluntad ang engkwentro sa tunga sang 79th Infantry Battalion sang Philippine Army kag remnants sang dismantled nga NNF (D), KR-NCBS sa Barangay Caduha-an, Cadiz City, Negros Occidental, sang Huwebes.
Sa interview sang Bombo Radyo Bacolod kay Lt Col. Arnel Calaoagan, Commander sang 79th Infantry Battalion sang Philippine Army, tatlo ke rebelde ang ginapatihan nga naengkwentro sang 79th IB kag duha ang ginalantaw nga pilason bangod sa dugo nga nakita sa encounter site.
Suno diri, may narekober nga mga dokumento nga nagapakita nga sila nagapangayo sang kwarta sa mga small planters, negosyante, mga construction firms, politiko, kag iban pa.
Nabutang man didto kun pila na ang ila natipon nga kwarta.
Suno kay Calaoagan, santo sa ila assesment yara lamang sa area ang mga rebelde kag padayon ang ila hot pursuit operation.
