Ginpatpat sang assistant Vice President for Planning and Business Operations sang Negros Electric and Power Corporation ang mga areas nga maapektohan sang 12 ka oras nga power interruption sa Dominggo, Disyembre 01.
Sa interview sang Bombo Radyo Bacolod kay Engr. Leomel Tambanillo, ang power interruption ang bangod sa pagrehabilitate kag pagmodernized sang facilities sa Central Negros.
Suno diri, ang power interruption ang patigayunon sa Dominggo, alas- 6:00 sang aga tubtob alas- 6:00 sang gab-i.
May yara sang kay-uhon sa Burgos Feeder 3 kun sa diin mas pasakaan ang kapasidad sang backbone feeder kag pag-upgrade sang insulated wire agud nga indi ini dali-dali matandog sang kahoy ukon sang sapat.
Ang apektado amo ang Camingawan Burgos Substation, Brgy Estefania, Brgy Granada, kag Brgy Alangilan.
Samtang, may lauman man nga power interruption sa Disyembre 8 sa ciudad sang Talisay kag Silay sa pagrehabilitate man sa Bacolod-Silay 69 kV line.
Nagpasalig naman ini nga ibalik gilayon ang kuryente kun matapos sang timprano ang trabaho.
Nagpangayo man ini sang pag-intindi samtang padayon ang ila nga trabaho sa paghatag sang maayo nga serbisyo.
