Subong nga adlaw, ginamonitor ang isa ka tropical storm nga may local name nga “MAYMAY” kag ini ang ulihi nasiplatan sa 170 km sa nakatungdan sang Bacnotan, La Union.
Ini ang may kabaskugon sang hangin nga nagadangat 65 km/h kag pagmadlos nga tubtob 80 km/h.
Ang Tropical Storm MAYMAY ang nagahulag sang mahinay padulong sa southeastward nga direksyon.
Ang bagyo ang nagahulag sa nasidlangan nga direksyon kag lauman nga maga-landfall sa Ilocos Sur ukon La Union sini nga hapon ukon karon sa gab-i antes maglabay sa Northern kag Central Luzon bwas, adlaw sang Huwebes, Agosto 6.
Ini ang lauman nga magapabilin bilang tropical storm kag posible maghina sa tropical depression category bwas sa aga, kag maghuyang pa gid sa Low Pressure Area sa Huwebes sang hapon ukon gab-i.
Sa karon, nakapaidalom na sa Tropical Cyclone Wind Signal no. 2 ang pila ka mga lugar sa Luzon partikular na sa central kag southern portions sang Ilocos Sur, northern kag central portions sang La Union, northwestern portion sang Pangasinan, southwestern portion sang Abra, western portion sang Mountain Province, kag northwestern portion sang Benguet.
Samtang, Tropical Cyclone Wind Signal no. 1 naman sa Ilocos Norte, nabilin nga mga bahin sang Ilocos Sur, La Union, Pangasinan, Apayao, Abra, Kalinga, Mountain Province, Benguet, kasubong man sa Ifugao, Cagayan, Isabela, Quirino, Nueva Vizcaya, northern portion sang Zambales, northern portion sang Tarlac, northern portion sang Nueva Ecija, kag northern portion sang Aurora.
Padayon man ang pagbantay sa tropical cyclone nga Bagyo DOLPHIN sa gwa sang Philippine Area of Responsibility nga may kalayuon nga 1,845 km east northeast sang extreme northern Luzon.
Ini ang may kabaskugon sang hangin nga nagadangat sa 165 km/h kag pagmadlos nga tubtob 205 km/h, samtang nagahulag sa kadasigon nga 20 km/h padulong sa nakatungdan nga direksyon.
Samtang, padayon man nga maeksperyensyahan ang epekto sang Southwest Monsoon ukon Hangin Habagat sa Southern Luzon kag western section sang Visayas.
Lauman ang mabulubagyuhon nga tiempo sa Ilocos Sur, La Union, Pangasinan, Benguet, Mountain Province, kag Abra tuga sang bagyong Maymay.
Mangin maulanon naman sa Cagayan Valley, nabilin nga bahin sang Ilocos Region, nabilin nga bahin sang Cordillera Administrative Region, Zambales, Tarlac, kag Nueva Ecija tuga gihapon sang bagyo.
Maeksperyensyahan naman ang lapta-lapta nga mga pag-ulan sa nabilin nga bahin sang Central Luzon dala sang bagyo.
Lauman man ang lapta-lapta nga pag-ulan sa Metro Manila, CALABARZON, Occidental Mindoro, Oriental Mindoro, Marinduque, Antique, Iloilo, kag Guimaras dala sang hanging habagat.
Samtang, sa nabilin nga bahin sang pungsod, lauman ang tumalagsahon nga pag-ulan.
