Pila ka mga nagapanguna nga balaklon, nagsaka ang presyo sa una nga semana sang Disyembre

Nagsaka ang presyo sang pila ka mga nagapanguna nga balaklon sa una nga semana sang Disyembre 2025, santo sa data sang Philippine Statistics Authority (PSA).

Ang average retail price sang well-milled rice naglab-ot sa P48.91 kada kilo umpisa Disyembre 1 tubtob 5, mas mataas kun ipaanggid sa P47.90 kada kilo sang ikaduha nga semana sang Nobyembre 2025 kag P47.63 kada kilo sang una nga semana sang amo man nga bulan.

Mas manubo sa gihapon ini kun ipaanggid sa presyo sang Disyembre 2024 nga naglab-ot sa P54.97 kada kilo.