Ginpili sang pila ka mga residente nagikan sa probinsya sang Negros Occidental nga magpadulong sa Bacolod City Government Center Grounds nga magsug-alaw agud sang bag-ong tuig bangud sa fireworks display kag sa paraffle kun sa diin ang grand prize winner ang nagdaog sang salakyan.
Antes pa man ang fireworks display para sa pagsugata sang bag-ong tuig madamo na ang mga pumuluyo ang nagpadulong sa Bacolod City Government Center Grounds.
Antes pa man nagcountdown, gintamyaw ni Bacolod City Mayor Alfredo Benitez ang mga pumuluyo sang Malipayon nga Bag-ong tuig kadungan sang malip-ot sini nga mensahe.
Samtang nangin madinuagon kag masadya ang pagsug-alaw sang bag-ong tuig sa ciudad sang Bacolod.
Madamo ang mga nalipay bangud nakadaog sa raffle kun sa diin nakakuha sang motorsiklo bilang papremyo.
Madamo ang nagdayaw sa fireworks display nga ginpatigayon sang Bacolod City Government.
