Naghakot sang medalya ang mga Pambato sang Negros Island Region nga gymnast halin sa Bacolod kag Negros Occidental Division sa Palarong Pambansa 2026 sa Agusan Del Sur.
Ginpangunahan ni Matthea Given Efenio sang Bacolod Tay Tung High School ang kadalag-an matapos masungkit ang GOLD sa Individual All-Around, Bronze sa Hoop, 3rd place sa Ribbon, 4th place sa Clubs, kag 5th place sa Ball.
Wala man nagpauli nga wala sang dala nga awards kag medalya ang iya mga kaupod nga sanday Jilian Krishna De La Cruz (8th place sa Hoop) kag Yiaea Xyzie Pillo sang Negros Occidental High School, kun sa diin nasungkit sini ang Silver medal sa Team category.
Dako gid ang pagpasalamat ni Coach Diana Jane B. Trinidad sa mga Ginikanan kag LGU nga nagbulig gid, subong man sa iya mga atleta nga nagbuhos sang tanan.
Nagpasalamat man ang mga gymnast sa oppurtunidad nga ginhatag sang Diyos, sa ila pamilya, kag sa tanan nga nagsuporta sa ila.
