Ginpahayag sang gobernador sang Negros Occidental nga dako nga palamangkutanon sa karun kun magapadayon pa bala ang Matatag Program ni Vice President Sara Duterte kasunod sang resignation sini sa Gabinete sang presidente bilang Education Secretary.
Suno kay Govenor Eugenio Jose Lacson nga padayunon bala sang masunod nga education secretary ang Matatag program ukon may igaintroduce naman ini nga bag-o.
Suno kay Lacson, importante sa karun nga gilayon makaappoint sang Education secretary agud makilala kun sin-o kag ano man ang programa sini para sa edukasyon.
Sa political naman nga aspeto, suno sa gobernador, maathag na sa karun nga may yara sang separasyon bangud ang UNITEAM ang wala na nagaisa.
Ginpahayag man sini nga ang pagresign sang bise-presidente bilang education secretary ang indi makaapekto sa lokal nga pamulitika sa Negros Occidental.
Suno sa gobernador, mas maayo kun magagikan sa Negros ang masunod nga DepEd secretary, apang ang importante ang competitive kag makahimo sang improvement sa education system sang pungsod.
