Pila ka mga opisyal sang gobyerno ang nakatalana nga pahalinon sa pwesto ni Presidente Rodrigo Duterte.
Sa speech ni Duterte sa groundbreaking ceremony sang AFP-PNP Housing Project sa Barangay Dos Hermanas, Talisay City, Negros Occidental, Dominggo sang hapon, ginpahayag sini nga kakson niya sa posisyon ang mga opisyal sini nga semana.
Apang, wala sang may ginhambal nga pangalan ang presidente.// Ginpahayag man sini nga may isa ka tagpamuno sang ahensya sang gobyerno nga iya pahalinon.
“I will fire more people tomorrow due to corruption. Meron pang isang head ng agency,” suno kay Duterte.
Ginpabati-batian man sang presidente ang isa ka opisyal nga naghatag sang pabor sa miyembro sang first family, apang wala sini ginhingadlan man.
Dugang pa ni Duterte, wala sang first family sa pungsod bangud isa ka democratic nga pungsod ini.
Nahisayran nga sang tinalikdan nga semana, gin-anunsyar ni presidential spokesperson Harry Roque nga ginmanduan ni Duterte sanday DOJ Assistant Secretary Moslemen Macarambong Sr. kag Assistant Secretary Tingagun Ampaso Umpa sang DPWH.
