Pila ka mga residente sa banwa sang Cauayan, Negros Occidental ang nag-evacuate bangod sa pagbaha.
Sa interview kay Bombo Volunteer Anthony Jones Ceblano, sa Brgy Inayawan, 215 ka mga pamilya ang nag-evacuate kag nagtinir sa apat ka evacuation centers.
Suno diri, kalabanan sa ila ang nagapuyo malapit sa suba kag baybay.
Wala naman sang untat ang paghatag sang bulig sa mga evacuees samtang wala pa sila ginapahanugotan nga makapauli bangod sa padayon nga mga pag-ulan.
Samtang, sa Brgy Caliling naman sa nasambit nga banwa, nagdangat na sa kapin 25 ka mga pamilya ukon kapin 70 ka mga indibdiwal ang gin-evacuate.
Sa interview sang Bombo Radyo kay Brgy Kagawad Erlinda Dorimon, kagab-i mataas ang lebel sang tubig kun sa diin nagdangat tubtob sa hawak ang baha.
