Gin-ako ni provincial energy consultant Rafael Coscolluela nga dapat nga ikonsiderar ang pila ka mga factors antes aprubahan ang pagtukod sang liquefied natural gas combined cycle power plant project sa San Carlos.
Suno kay Coscolluela, dapat tun-an kun kulangon sang power sa isla sang Negros nga kinahanglan ang LNG ukon bastante naman ang supply kun maplastar na ang dugang nga power plants.
Sa karon, may duha ka pending power plants nga ginalakipan sang hydropower sa Bago River kag solar power plant sa banwa sang Calatrava.
Idugang pa gid diri ang existing solar power plants sa nagkalain-lain nga bahin sang Negros Occidental.
Suno kay Coscolluela, bastante ang power supply kun maangot ini sa power grid, apang problema ang infrastructure agud nga madistribute ang power kag logistics bangud kulang sang storage para sa solar.
Kun makonekta ang indigenous sources of power sa probinsya suno sa energy consultant, indi na kinahanglan ang LNG power plant.
Aminado ini nga dako ang economic benefits sang planta apang may iban nga possible side effects sini nga dapat lantawon antes magdesisyon ang provincial board kag city government sang San Carlos.
