Nag-evacuate ang mga residente sa norte nga bahin sang Pilipinas kag kanselado ang klase kasubong man ang byahe sang barko sa apektado nga mga areas bilang pagpangaman sa halit nga matuga sang Bagyo Julian.
Wala naman sa karun sang immediate reports sang casualties ukon halit.
Nagpaandam ang weather agency sang moderate tubtob sa high-risk nga makamamatay nga storm surge sa masulod nga 48 ka oras sa coastal villages sang Batanes, sa kalapit nga Babuyan Islands kag probinsya sang Cagayan.
Suno diri, posible nga makatuga sang kahalitan sa komunidad ang sitwasyon gani ginatos nga mga pumuluyo ang gin-evacuate nagikan sa mga baybayon kag flood-prone communities sa Cagayan province kun sa diin nareport ang power outages.
Suspendido man ang klase sa tanan nga levels sang Lunes sa pila ka mga probinsua sa norte bilang precaution.
