Ginbisita nanday Department of Public Works and Highways (DPWH) Secretary Vince B. Dizon, Department of Social Welfare and Development (DSWD) Secretary Rex Gatchalian, Department of Education (DepEd) Secretary Sonny Angara at Mindanao Development Secretary Leo Tereso A. Magno ang apektado nga eskwelahan sa Manay, Davao Oriental matapos ang pagtay-og sang magnitude 7.4 nga linog kahapon, Biyernes, Oktubre 10 kasunod man sang mando sang Presidente nga hibaluon ang sitwasyon sang mga apektado sang linog sa Davao Oriental.
Samtang gindeklarar na ang state of calamity sa probinsya sang Davao Oriental.
Ini matapos ang “doublet earthquake” kun sa diin magkasunod nga nabatyagan ang pagtay-og sang magnitude 7.4 kag magnitude 6.8 nga linog sa lugar.
Sa karon, yara na sa masobra 66,000 ka mga pamilya ang apektado sang linog.
Nagdangat naman sa halos 600 ka mga pamalay ang nagkalaguba kun sa diin 100 diri ang totally damaged samtang 500 naman ang partially damaged.
Samtang, si Vice President Sara Duterte ang personal man nga nagbisita sa mga biktima sang mabaskog nga linog sa Mati, Davao Oriental.
Samtang Nagdangat sa 947 ka mga eskwelahan ang naapektuhan bangud sa pagtay-og sang magnitude 7.4 sa Manay, Davao Oriental sang, Oktubre 10, 2025.
Santo sa data sang Department of Education (DepEd), sa 548 palang ka mga eskwelahan, may yara na ini sang ginabanta P2,118,690,000 nga balor sang kahalitan.
Samtang, 89,691 ka mga estudyante kag 8,324 ka mga manunudlo sa siyam ka rehiyon ang apektado.
Sa nasambit nga numero, 137 ka estudyante kag 49 ka teaching kag non-teaching staff ang nakaangkon sang injury.
Kahapon, liwat gintay-og sang 5.8 magnitude samtang 4.3 magnitude nga linog ang Manay, Davao Oriental subong nga aga.
