Nag-abot na sa Batasang Pambansa ang pila ka mga opisyales sang pungsod agud nga magtambong sang 3rd State of the Nation Address ni President Ferdinand ‘Bongbong’ Marcos Jr.
Nakaabot na si Senator Mark Villar kag ang asawa sini nga si Emmeline Aglipay Villar.
Yara naman si DILG Secretary Benjamin Abalos Jr samtang nakaabot naman si Senate President Senator Chiz Escudero kaupod ang asawa sini ang aktres nga si Heart Evangelista.
Makita naman sa red carpet sanday Senator Bong Revilla kag asawa sini nga si Cavite 2nd District Representative Lani Mercado nga nagasuksok sang barong kag gown nga gindisenyo nanday Paul Cabral kag Rajo Laurel.
Nakaabot naman sanday Camarines Sur 5th District representative Miguel Luis Villafuerte kag asawa sini nga si Miss Universe Philippines 2017 Rachel Peters-Villafuerte.
Yara naman sa Batasang Pambana sanday MMDA Chairman Atty. Don Artes kag Presidential Adviser of Poverty Alleviation Office Atty. Larry Gadon.
