Ginbalasa ang pila sa mga station commanders sa idalom sang Bacolod City Police Office kasunod sang direktiba sang regional director sang Police Regional Office 6 bangud ang duha ka station commanders ang kinahanglan na isaylo para sa natalana nga promotion.
Sa interview sang Bombo Radyo Bacolod kay Police Col. Thomas Joseph Martir, city director sang Bacolod City Police Office, ginkumpirmar sini nga ginelieve si Police Major Ramel Sarona sa Police Station 1 kag ginre-assign sa Traffic Enforcement Unit kun sa diin siya ang ginbuslan ni Police Major Elmer Bonilla samtang si Police Major Joery Puerto naman ang ginrelieve sa Police Station 8 kag ginsaylo sa intelligence section sang BCPO kun sa diin siya ang pagabuslan ni Police Captain Glenn Montanio sang Bacolod City Mobile Force Company.
Suno kay Martir, bangud ginbayaan ni Police Major Bonilla ang pagapungkuan ni Police Captain Edward Bolivar ang deputy station commander sang Bacolod Police Station 3.
Samtang si Police Major Ritchie Gohee naman ang ginrelieve sa station 4 kag ginsaylo sa supply kag strategy management unit sang BCPO kag siya ang ginbuslan ni Police Captain Greeky Cayao.
Ang police station 5 ang ginapungkuan na sa karun ni Police Captain Francis Depasucat matapos nga nagpare-assign si Police Captain John Christopher Masangkay sa ila lugar sa Luzon.
Suno diri sa station 3 nagapabilin nga station commander si Police Major Armilyn Vargas samtang ang sa deputy station commander ginbuslan Police Lt . Jose Rollo Jr. si Police Captain Bolivar.
Suno sa city director ang nasambit nga mga BCPO personnel pa lamang ang ginsaylo kag ang iban nga officers ang nagaschooling sa karun.
Liwat naman nga nagpanugyan si Martir sa mga police personnel nga sundon ang tanan nga mandato sang Philippine National Police kag kinahanglan nila nga magfocus anti-criminality campaign kaangay sang illegal drugs, gambling, firearms kag wanted persons.
Suno pa kay Martir dapat siguruhon sang mga kapulisan nga visible ang mga ini kag nakahibalo naman sila sang ila dapat himuon bangud ang direktiba sini ang nagikan man sa pamunuan sang ahensya.
