BACOLOD CITY — Ginalantaw na sang ciudad sang Sipalay ang pagsaylo sa ila sang mga turista gikan sa isla sang Boracay pananglitan ipasira ini kun indi masolusyunan ang problema sa sewerage system.
Ini ang paglantaw sang Tourism Officer sang Sipalay nga si Rhia Carbajosa sa exclusive interview ng Bombo Radyo Bacolod.
Apang aminado ini nga indi pa masarangan sang ciudad ang pag-cater sang pagdugok sang tuman kadamo nga mga turista.
Sa nahibaluan nga may yara pa lang sang 25 ka accomodation establishments sa Sipalay nga ginadugukan sang mga European tourist nga malayo naman sa ginatos ka mga mga establisyimento sa Boracay kun sa diin masami nga nagabisita diri mga Asyano.
Apang suno kay Carbajosa, may yara naman sang pila ka hotels sa Sipalay nga nagadugang na sang ila mga rooms agud nga maka-cater sang mas madamo nga mga turista.
