Pila ka parte sang syudad sang Silay, ginbaha

Ginbaha ang pila ka parte sang syudad sang Silay, Martes sang aga.

Sa paglibot sang Bombo News Team kalakip sa mga ginbaha ang Brgy. Mambulac kag Brgy. 1 bangud sang mabaskog nga ulan.

Nahibaluan nga may yara sang suba lapit sa Brgy. Mambulac kag Brgy. 1 kag tungod sa mabaskog nga ulan, ini ang nag-awas.

Bangud sini, nasul-ob ang tubig sa mga panimalay kag lab-ot na sa tuhod kag hawak ang kadalumon sini.

Wala sang may nareport nga napilasan apang may yara na sang mga nag-evacuate sa Natalio G. Velez Gymnasium.