Pila ka mga overseas Filipino workers (OFWs) ang stranded sa Ninoy Aquino International Airport (NAIA) matapos nga gin-cancel ang mga flight padulong sa mga pungsod sa Middle East bangud sa nagapadayon nga giyera sa rehiyon.
Magluwas sa NAIA, kanselado man ang flights humalin Clark International Airport padulong sa Dubai kag Qatar.
Santo sa Civil Aviation Authority of the Philippines (CAAP) 45 ka flights naggikan sa Pilipinas ang apektado sa tensyon sa Middle East.
Ang pinaka-apektado nga flights ang rota sang UAE (Dubai, Abu Dhabi); Riyadh, Saudi Arabia; Bahrai; kag Doha, Qatar.
Samtang, may yara bahin sang Dubai International Airport kun sa diin naga-akomodar sang masobra 90 million ka mga pasahero, ang nahalitan tuga sang aerial attack naggikan sa Iran.
Gani, maapektohan man ang iban pa nga flights padulong sa iban nga destinasyon.
Sa karon, nagapakig-angot ang CAAP sa mga airlines, airports, kag international aviation partners.
Nagpa-abiso man ang CAAP sa mga pasahero nga magmonitor sa mga gina-anunsyar sang tagsa ka airlines.
