Nangin maayo ang paghampang sang mga atleta sang Negros Occidental sa nagapadayon nga Western Visayas Regional Athletic Association (WVRAA) Meet 2023 sa probinsya sang Aklan banguud madamo na ini sang medalya nga nakuha sa una pa lang nga adlaw sang pahampang.
Anom ka mga probinsya sa Western Visayas ang nagpasakop sa pahampang nga ginalakipan sang Iloilo, Guimaras, Capiz, Antique, Aklan kag Negros Occidental.
Sa report ni Tony Oquindo, Bombo Correspondent sa WVRAA 2023, nagapanguna ang softball team sang Negros Occidental sa secondary level sa score nga 24-0 batok sa Capiz, amo man sa elementary level nga nakakuha sang 22-0 batok sa Antique.
Nakuha man sang elementary girls sang Negros Occidental ang championship sa Arnis kun sa diin nakakuha sila sang apat ka gold kag duha ka silver medal.
Samtang 1st runner-up naman ang elementary boys sa hampang nga Arnis nga nakakuha sang isa ka gold, lima silver kag isa ka bronze.
Ang mga players ang nagikan sa syudad sang Bacolod.
Ang mga players ang naghalin man sa syudad sang Bago kun sa diin ang trainer amo si Henry Borbano kag ang coach amo si Mike Alvarez.
Suno kay Oquindo, bangud malayo ang mga lugar sang ginahampangan sang mga atleta halin sa Banga Elementary School kun sa diin sila naka-billet, nagrenta sila sang madamo nga vans nga magadul-ong sa mga atleta agud nga indi man sila madefault sa sports nga ila pagahampangan.
