Ginpanugyan ni Pacita Tero, head sang Department of Social Services and Development (DSSD) sa syudad sang Bacolod sa mga drivers nga wala nakabatun sang 2nd tranche gikan sa Social Amelioration Program (SAP) nga basi nalakip ang mga ini sa listahan sang hatagan ayuda sang Land Transportation Franchising Regulatory Board (LTFRB).
Ginpakigbahin man ni Tero ang pagdownload sang kwarta ang ginapaagi naman sa Department of Social Welfare and Development (DSWD).
Sa karun indi na pinaagi sa Star Pay ang pagdistribute sang ayuda sa mga benepisyaryo bangod natapos na ang kontrata sang Marso.
Paathag sini nga over the counter sa karun ang paghatag sang ayuda.
Ang budget ang ginadownload sa Regional Office sang DSWD kag nagapangita sang officer nga magadala sang kwarta sa kada Barangay ukon venue nga gintalana para sa pay-out.
Samtang ginalantaw man ni Tero nga ang alegasyon nga pondo nga wala pa makalab-ot sa mga pumuluyo, ang bangod sa deduplication process sa bug-os nga Pilipinas, kun sa diin ginapalos ang mga pangalan nga nakabatun man sang ayuda gikan sa iban nga ahensya sang gobyerno.
Dugang pa sini nga mahemo man nga wala pa maliquidate ang iban nga napangbayaran gani wala pa magasanto ang data.
