Ginpahayag sang abogado sang ginpatay nga si Negros Oriental Governor Roel Degamo kag iban pa nga mga biktima, nga kaangay nga nagserbe nga spotters ang pila ka mga police personnel para sa mga suspetsado sa mga pagpamatay sa probinsya.
Suno kay Atty.Levito Baligod, ang alegasyon ang santo sa claims sang mga witnesses.
Dugang pa sang abogado nga madamo sang dugang pa nga mga witnesses ang nagguluha nga may tagsa ka ebidensya nga nagatudlo nga pila ka mga katapo sang kapulisan ang nagserbe nga spotter para sa mga killers sa nanarisari nga mga biktima.
Pahayag pa sini nga ang nasambit nga mga police personnel ang yara gihapon sa Negros Oriental.
Antes ang pagpatay kay Degamo, ginpahayag ni Baligod nga may-ara sang 64 ka iban pa nga kaso sang pagpamatay nga natabo sa probinsya.
Ginpahayag naman ni Philippine National Police (PNP) deputy chief for administration Lieutenant General Rhodel Sermonia, nga pagatun-an sini ang nasambit nga report.
Ginpasalig naman ni Interior and Local Government Secretary Benhur Abalos nga ang mga imbulbado nga police personnel ang suspendihon sa trabaho.
Suno diri,ang sin-o man nga pulis nga imbulbado, bilang chairman sang National Police Commission (NAPOLCOM), pagasundon sang mga ini ang nagakaigo nga proseso sang layi agud masuspender kag mapahalin sa serbisyo ang mga personnel samtang pending pa ang imbestigasyon.
Ginpahayag naman ni Baligod nga may ginalantaw pa sila nga isa pa ka suspetsado nga amo ang nagtipon sang intelligence antes ang pag-atake sa gobernador.
Paathag sang abogado nga ang nasambit nga suspetsado amo ang naghuman sang plano kun paano masulod kag makapalagyo gikan sa puluy-an ni Governor Degamo.
