Pila ka mga Senador ang nagpabutyag sang ila luyag nga dugangan ang budget sang Office of the Vice President para sa 2025.
Suno kay Senator Juan Miguel Zubiri, may pila ini ka mga kaupdanan nga nagpabutyag nga luyag nila nga dugangan ang budget allocation.
Suno diri, willing ang pila ka mga Senador nga dugangan gamay ang budget.
Apang suno kay Zubiri, premature pa agud maghambal kun ano ang posible nga matabo.
Suno sa iya, nagtambong ang bise-presidente sa budget deliberation sang Senado kag nagsabat ini sang mga pamangkot nagikan sa mga Senador.
Naga-engage man ini sa mga Senador gani wala ini sang may nagakakit-an nga problema.
Sang Miyerkules, ginbuhinan sang House of Representatives ang proposed budget sang OVP sa P733 million nagikan sa P2 billion matapos nagpamalibad si Vice President Sara Duterte nga magsabat sang mga pamangkot natuhoy sa budget lakip na ang paggamit sang opisina sang confidential funds.
