Ginalauman ni Senate President Sherwin Gatchalian kag sang pila ka mga senador nga may-ara na sang verdict sa impeachment case ni Vice President Sara Duterte antes ang bulan sang Disyembre.
Nagalaum ini nga matapos na ang presentasyon sang prosekusyon kag depensa antes ang nasambit nga bulan, apang nakadepende gihapon ini sa kadamuon sang mga testigo nga i-presenta sang defense team.
Suno diri, may dako nga epekto ang desisyon sang prosekusyon nga indi na pag-ipresenta ang pila ka mga testigo angot sa Article I sang impeachment complaint.
Ginpahayag man nga nagbuhin man sang mga testigo ang bahin sang depensa agud mas mapadasig pa ang trial.
Sa pihak nga bahin, nagpabutyag man si Senate finance committee chair Senator JV Ejercito sang katuyuan nga matapos na gilayon ang trial agud mahatagan pa sang bastante nga oras para sa budget hearings.
Madumduman nga nag-drop sang 15 ka mga testigo ang prosekusyon para kuntani sa Article 1 sang Articles of Impeachment sa baylo, ginapangabay nga ipresenta si Duterte.
